Adran Dau: Casnewydd 0-0 Tranmere Rovers

Mae Casnewydd wedi methu â chymryd cam ymlaen at geisio sicrhau lle yng ngemau ail-gyfle Adran Dau wedi gêm ddi-sgôr yn Rodney Parade.

Roedd y canlyniad hefyd yn ergyd i obeithion Tranmere Rovers o fachu lle otomatig yn Adran Un.

Fe gafodd yr Alltudion lawer o'r meddiant yn yr hanner cyntaf ond y gwrthwynebwyr gafodd y cyfle gorau pan darodd peniad Mark Ellis y postyn.

Fe rwydodd Joss Labadie i Gasnewydd yn ystod amser ychwanegol ond doedd y gôl ddim yn cyfri oherwydd camsefyll.

Mae Casnewydd yn 13eg safle'r tabl - chwe phwynt yn brin o'r safleoedd gêm ail-gyfle.