Y Bencampwriaeth: Queens Park Rangers 4-0 Abertawe
- Cyhoeddwyd
Tomor Hemed yn rhwydo gôl rhif tri
Mae gobeithion yr Elyrch o gyrraedd y gemau ail gyfle y Bencampwriaeth ar ben i bob pwrpas ar ôl cweir 4-0 oddi cartref yn Loftus Road.
Roedd disgwyliadau Abertawe yn uchel ar ôl ennill pedwar gêm yn olynol ond y tîm cartref ddechreuodd ar dân.
Ar ôl 15 munud roedd Rangers 3-0 ar y blaen, gôl Darnell Furlong a dau i Tomer Hemed.
Daeth unrhyw obaith o achub unrhyw beth o'r gêm i ben wrth i Massimo Luongo ychwanegu gôl rhif pedwar ar ôl 54 munud.
Dywedodd rheolwr Abertawe, Graham Potter: "Roedd QPR yn well tîm na ni heddiw ac yn haeddu'r fuddugoliaeth. Rwy'n ymddiheuro i'n cefnogwyr oedd wedi teithio i'r gêm."