Arestio gyrrwr wedi gwrthdrawiad ar Bont Tywysog Cymru
- Cyhoeddwyd
Difrod i gar yn dilyn y digwyddiad fore Gwener
Cafodd dyn ei arestio ar amheuaeth o yfed a gyrru yn dilyn gwrthdrawiad ar Bont Tywysog Cymru fore Gwener.
Roedd tair lôn o'r M4 ar gau i'r ddau gyfeiriad am dair awr wedi'r digwyddiad am 06:00.
Fe ddywedodd Heddlu Gwent fod un cerbyd wedi mynd i'r lôn gyferbyn.
Er bod parafeddygon wedi'u galw, ni chafodd neb eu hanafu.
Mae'r dyn bellach wedi cael ei ryddhau.