Gwagio canolfan Pontio ym Mangor yn dilyn tân

29 Ebrill 2019

Mae canolfan gelfyddydau Pontio yng nghanol Bangor wedi cael ei wagio yn dilyn tân.

Cafodd pobl eu hannog i adael yr adeilad wrth i griwiau a dwy injan dân ddelio â'r fflamau ar ôl cael eu galw yno am 11:50 ddydd Llun.

Mae'n debyg bod y tân wedi cynnau tra bod gwaith yn cael ei wneud ar do'r adeilad.

Roedd mwg i'w weld yn dod o'r adeilad, ond mae diffoddwyr yn dweud bod y tân bellach dan reolaeth.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.

Nid yw'r BBC yn gyfrifol am gynnwys safleoedd allanol

I osgoi neges X gan TrydarPontio

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X, dolen allanol a pholisi preifatrwydd, dolen allanol cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Dywedodd llefarydd ar ran Prifysgol Bangor, sy'n rhedeg Pontio, bod y tân wedi dechrau wedi i dar poeth roi'r deunydd inswleiddio ar dân.

Methu chwarae'r fideo

I wylio'r fideo yma, mae'n rhaid galluogi JavaScript yn y porwr.

Dywedodd Alan Parry o Brifysgol Bangor bod difrod y tân wedi ei gyfyngu i'r llawr uchaf

Ychwanegodd nad yw'n amlwg faint o ddifrod sydd wedi'i achosi, ond ei fod wedi'i gyfyngu i ardal fechan o'r to.

Fe wnaeth Pontio gadarnhau ar Twitter y bydd yr adeilad "ar gau am weddill y diwrnod oherwydd oglau mwg", ac y bydd penderfyniad erbyn 08:30 os yw'r ganolfan am agor ddydd Mawrth.