Arestio gyrrwr a darodd car heddlu oedd yn ei ddilyn
- Cyhoeddwyd
Mae Heddlu'r Gogledd wedi cyhoeddi lluniau'n dangos y difrod i'r ddau gerbyd
Mae Heddlu Gogledd Cymru wedi arestio gyrrwr a darodd cerbyd heddlu oedd yn ceisio ei stopio wrth yrru ar gyflymder yng Ngwynedd.
Dywed y llu bod car Audi wedi cael ei ddwyn wedi lladrad ym Manceinion gan rywun â chyllell cyn i'r cerbyd gael ei weld ar yr A55 ger Bangor.
Fe darodd gyrrwr yr Audi y cerbyd heddlu a gyrru yn ei flaen cyn dod i stop wedi gwrthdrawiad.
Yn ôl Heddlu'r Gogledd fe gafwyd hyd i gyllyll ym mhoced drws yr Audi.
