Record newydd am dymheredd uchaf ddiwedd mis Awst

Mae record newydd wedi'i osod yng Nghymru am y tymheredd uchaf ar gyfer penwythnos gŵyl y banc mis Awst.

Roedd y tymheredd yng Ngogerddan ger Aberystwyth yn 27.4C ddydd Sadwrn yn ôl y Swyddfa dywydd.

Y record flaenorol oedd 27.3C yn Felindre, Powys yn 2013. Y tymheredd uchaf ar gofnod yng Nghymru yw 35.2C ym Mhont Penarlâg ar 2 Awst, 1990.

Mae disgwyl i'r tywydd braf barhau drwy gydol y penwythnos.