Y Bencampwriaeth: Huddersfield 1-1 Abertawe
- Cyhoeddwyd
Bu'n rhaid i Abertawe fodloni ar bwynt yn unig ar ôl cael gêm gyfartal oddi cartref yn Huddersfield nos Fawrth.
Aeth yr Elyrch ar y blaen ar ôl 18 munud, gyda Jay Fulton yn sgorio wedi i'r tîm cartref fethu â chlirio'r bêl o gic gornel.
Ond roedd Huddersfield yn gyfartal cyn hanner amser wedi i Karlan Grant rwydo ar ôl i ergyd Alex Pritchard gael ei harbed.
Gyda'r ddau dîm yn chwilio am y gôl fuddugol, fe welodd Trevoh Chalobah gerdyn coch i'r tîm cartref yn y munudau olaf am roi ei ben yng ngwyneb George Byers.
Mae'r canlyniad yn golygu bod yr Elyrch yn codi i'r pumed safle yn y Bencampwriaeth.