Rhybudd am ddiwrnod arall o wyntoedd cryfion i Gymru

Mae'r rhybudd mewn grym i'r gogledd a'r canolbarth nes 17:00 ddydd Mawrth

Mae'r Swyddfa Dywydd yn rhybuddio y gallai gwyntoedd cryfion daro Cymru unwaith eto ddydd Mawrth.

Fe wnaeth dros 1,300 o gartrefi golli eu cyflenwad trydan ddydd Llun, wrth i hyrddiadau o bron i 80mya daro Pen Llŷn.

Dywedodd peirianwyr eu bod wedi llwyddo i adfer y cyflenwad i'r mwyafrif llethol erbyn nos Lun.

Ond mae rhybudd melyn arall am wynt mewn grym ar gyfer gogledd a chanolbarth Cymru ddydd Mawrth.

Dywedodd y Swyddfa Dywydd eu bod yn rhagweld gwyntoedd o hyd at 70mya mewn mannau arfordirol nes 17:00.

Ychwanegon nhw fod oedi i deithwyr ar y ffyrdd, rheilffyrdd a fferïau yn bosib.