Rhybudd am stormydd fore Mawrth

rhybudd stormSwyddfa Dywydd

Mae'r Swyddfa Dywydd wedi cyhoeddi rhybudd am stormydd ar draws y de fore Mawrth, 24 Rhagfyr.

Mae disgwyl i gawodydd trymion gyda mellt a tharanau ledu o'r dwyrain yn ystod y bore.

Bydd hynny'n cynnwys cenllysg a gwyntoedd allai hyrddio ar gyflymder o 60mya.

Mae difrod i adeiladau gan y mellt yn debygol, a bydd amodau gyrru yn anodd.

Gallai fod oedi ar deithiau trafnidiaeth gyhoeddus, ac mae bygythiad hefyd i gyflenwadau trydan a gwasanaethau eraill.

Fe ddaw'r rhybudd i rym am 05:00 gan bara tan 13:00, gan effeithio ar y siroedd canlynol:

  • Blaenau Gwent

  • Pen-y-bont ar Ogwr

  • Caerffili

  • Caerdydd

  • Sir Gaerfyrddin

  • Ceredigion

  • Merthyr Tudful

  • Sir Fynwy

  • Castell-nedd Port Talbot

  • Casnewydd

  • Sir Benfro

  • Powys

  • Rhondda Cynon Taf

  • Abertawe

  • Torfaen

  • Bro Morgannwg