Y Bencampwriaeth: Abertawe 1-0 Charlton Athletic

Gôl Yan Dhanda yn codi'r Elyrch i'r chweched safle yn y tabl

Fe ddringodd Abertawe yn ôl i safleoedd y gemau ail-gyfle nos Iau wedi buddugoliaeth adref yn erbyn Charlton Athletic.

Rhoddodd gôl Yan Dhanda yr Elyrch ar y blaen wedi 14 munud.

Tîm Steve Cooper oedd yn rheoli'r hanner cyntaf ond fe fethon nhw ag ymestyn eu mantais er cryfder y chwarae.

Yn yr ail hanner roedd yn rhaid i Abertawe weithio'n galetach i sicrhau'r fuddugoliaeth.

Mae ennill nos Iau yn golygu bod yr Elyrch wedi dringo i'r chweched safle yn y tabl.

Ar ddiwedd y gêm dywedodd y prif hyfforddwr Steve Cooper: "Yn yr hanner cyntaf fe chwaraeon ni'n wych ond roedd hi'n deimlad rhwystredig na fedron ni ychwanegu at y sgôr."

Ddydd Sul bydd yr Elyrch yn wynebu QPR oddi cartref yn nhrydedd rownd Cwpan FA Lloegr.