Y Bencampwriaeth: Preston North End 1-1 Abertawe
- Cyhoeddwyd
Mae Brewster wedi sgorio ddwywaith mewn pedair gêm ers ymuno o Lerpwl
Fe gipiodd yr ymosodwr Rhian Brewster bwynt i Abertawe wrth iddyn nhw sicrhau gêm gyfartal o 1-1 yn erbyn Preston North End yn Deepdale.
Sgoriodd Scott Sinclair yn erbyn ei gyn glwb gyda'i gôl gyntaf ers iddo ymuno â Preston o Celtic ym mis Ionawr i roi'r tîm cartref ar y blaen.
Ond fe sgoriodd Brewster, sydd ar fenthyg o Lerpwl, ei ail gôl mewn pedwar ymddangosiad i unioni'r sgôr.
Mae'r gêm gyfartal yn gadael y ddau dîm ychydig y tu allan i'r safleoedd ail gyfle, gyda Preston yn seithfed a'r Elyrch bwynt yn dlotach yn yr wythfed safle.