Menyw wedi'i hanafu ar ôl disgyn ar greigiau yn Sir Benfro
- Cyhoeddwyd
Bu parafeddygon yn trin y fenyw ar Draeth y Castell
Mae menyw wedi cael ei hanafu ar ôl iddi ddisgyn ar greigiau yn Ninbych-y-pysgod.
Cafodd y gwasanaethau brys eu galw i Draeth y Castell toc wedi 12:00 ddydd Iau.
Dywedodd Gwasanaeth Tân ac Achub Canolbarth a Gorllewin Cymru bod y fenyw - sydd yn ei 30au cynnar - wedi dioddef anafiadau i'w choes a'i chefn.
Fe wnaeth Gwylwyr y Glannau glirio'r traeth er mwyn i ambiwlans awyr lanio.
Cafodd y fenyw ei hedfan i Ysbyty Cyffredinol Llwynhelyg.