Llifogydd yn taro rhannau o'r de yn dilyn stormydd
- Cyhoeddwyd
Yr olygfa ar Heol Brynhyfryd yng Ngorseinon brynhawn Sadwrn
Mae cartrefi wedi cael eu heffeithio gan lifogydd ar ôl i stormydd daro rhannau o dde a gorllewin Cymru ddydd Sadwrn.
Cafodd pedwar adeilad eu difrodi yng Nghaerfyrddin, tra bod criwiau'r gwasanaeth tân ac achub hefyd wedi'u galw i ardal Gorseinon yn Abertawe.
Dywedodd trigolion yng Ngorseinon eu bod wedi synnu pa mor gyflym aeth y ffyrdd dan ddŵr.
Yn ôl y rhagolygon tywydd, dydd Sadwrn ydy'r diwrnod twym olaf am gyfnod, gyda'r tywydd wedi cyrraedd 25C yng Nghaerdydd a 20C yng Nghaernarfon, gan arwain at stormydd mewn rhai mannau.