Morgannwg yn ennill yng Nghaerwrangon

Er y fuddugoliaeth yn erbyn Caerwrangon, pumed oedd Morgannwg yn y tabl

Roedd Caerwrangon wedi gosod nod go sylweddol i Forgannwg o 191 yn y gêm olaf yng nghystadleuaeth ugain pelawd Vitality Blast.

Ond gyda perfformiad personol gorau ei yrfa o 78 rhediad gan Nick Selman a thair chwech ddramatig gan Douthwaite yn y belawd olaf, fe ddaeth buddugoliaeth i Forgannwg o chwe wiced a dwy belen yn sbâr.

Dyma sgôr uchaf ond un Morgannwg mewn gem ugain pelawd.

Ond er y fuddugoliaeth mae'r tîm o Gymru yn gorffen yn bumed yn eu tabl gyda dim ond Caerwrangon yn is na nhw gyda phedair buddugoliaeth allan o ddeg.