Y Bencampwriaeth: Derby County 2-0 Abertawe
- Cyhoeddwyd
Kamil Jozwiak yn dathlu rhoi Derby 2-0 ar y blaen
Parhaodd dechrau addawol Wayne Rooney fel rheolwr wrth i Derby County hawlio buddugoliaeth gartref gyntaf y tymor yn erbyn Abertawe nos Fercher.
Mae'r Rams yn aros yn nhri isaf y Bencampwriaeth ar wahaniaeth goliau er gwaethaf ymestyn eu rhediad diguro ers i Rooney gael ei benodi'n brif hyfforddwr dros dro i chwe gêm.
Colin Kazim-Richards a Kamil Jozwiak sgoriodd i roi'r tîm cartref ar y blaen cyn hanner amser.
Gwellodd Abertawe ychydig ar ôl yr egwyl, ond doedden nhw ddim yn fygythiol, ac fe lwyddodd tîm Rooney i sicrhau buddugoliaeth yn Pride Park am y tro cyntaf ers 27 Mehefin.