Y Bencampwriaeth: Abertawe 1-0 Nottingham Forest

Jake Bidwell o Abertawe a James Garner o Nottingham Forest yn brwydro am y bêl

Roedd yna fuddugoliaeth i'r Elyrch ym munudau olaf eu gêm yn erbyn Nottingham Forest nos Fercher.

Er y fuddugoliaeth prin oedd ymosodiadau da yr Elyrch ac ar adegau roedd Nottingham Forest yn ymddangos yn llawer iawn mwy bygythiol.

Ond gyda thair munud yn weddill fe lwyddodd Abertawe i ddarganfod cefn y rhwyd. Cafwyd croesiad da gan Jake Bidwell ac fe gododd Connor Roberts yn uwch na phawb a phenio'r bêl i'r rhwyd.

Er fod pum munud o amser ychwanegol ar y diwedd fe lwyddodd Abertawe i ddal eu gafael ar eu mantais.

Roedd newyddion da o gêm Queen's Park Rangers yn erbyn Brentford, gyda Brentford yn colli o ddwy i un sydd felly yn lleihau'r bwlch rhwng y ddau dîm i un pwynt gydag Abertawe wedi chwarae dwy gêm yn llai.

Felly er nad oedd Abertawe ar eu gorau fe gawson dri phwynt gwerthfawr sy'n eu gosod yn drydydd yn y gynghrair.