Y Bencampwriaeth: Blackburn 1-1 Abertawe

Fe wnaeth Abertawe golli cyfle i gyrraedd y safleoedd ar gyfer dyrchafiad awtomatig i'r Uwch Gynghrair ar ôl gêm gyfartal yn Blackburn yn Ewood Park.

Byddai buddugoliaeth wedi eu codi i'r ail safle - ond roedd yr Elyrch ar ei hôl hi am gyfnod wrth i Bradley Dack guro Freddie Woodman.

Cic o'r smotyn, y pedwerydd un mewn pedair gêm, ddaeth ag Abertawe yn gyfartal, Andre Ayew y sgoriwr.

Dyfarnwyd y gic ar ôl trosedd gan Sam Gallagher ar Jay Fulton.

Daeth y cyfleoedd gorau wedi'r egwyl i Blackburn ond roedd amddiffyn Abertawe yn ddigon cadarn i atal ail gôl.

Mae gan Abertawe'r un nifer o bwyntiau, 66, ag Watford sy'n ail yn y Bencampwriaeth ond bod yr Elyrch wedi chwarae un gêm yn llai.