Pro14: Munster 28-10 Scarlets

Tacl ar Shane Daly gan Tom Prydie

Dangosodd Munster pam mai nhw sydd ar frig Adran B gyda buddugoliaeth a phwynt bonws dros Scarlets ar noson stormus yn Limerick.

Sgoriodd Gavin Coombes, Shane Daly a Niall Scannell geisiadau i roi'r tîm cartref mewn sefyllfa gref cyn i Kevin O'Byrne groesi am y pwynt bonws.

Trosodd Joey Carbery yn llwyddiannus wedi'r holl geisiadau.

Sgoriodd Steff Evans gais gysur hwyr, ac fe ddaeth pwyntiau eraill y Scarlets o ganlyniad cic gosb a throsiad gan Angus O'Brien.

Yn ei gêm gyntaf yn ôl i'r Scarlets fe welodd Aaron Shingler gardyn melyn cyn diwedd yr hanner cyntaf.

Wedi noson galed ym Mharc Thomond mae'r Scarlets yn parhau yn nhrydydd safle Adran B gyda 34 o bwyntiau.