Y Bencampwriaeth: Caerdydd 1-2 Watford
- Cyhoeddwyd
Fe sgoriodd Watford gydag eiliadau'n weddill i dorri calonnau Caerdydd
Hawliodd Watford fuddugoliaeth ddramatig o 2-1 yn erbyn Caerdydd wrth i rediad diguro Mick McCarthy ddod i ben.
Aeth Caerdydd ar y blaen yn gynnar pan drodd Francisco Sierralta groesiad Josh Murphy i'w rwyd ei hun.
Ond daeth yr ymwelwyr yn gyfartal ar unwaith wedi i Nathaniel Chalobah sgorio.
Enillodd Watford y gêm bedwar munud i mewn i amser ychwanegol diolch i gic rydd Adam Masina.
Mae tîm Xisco Munoz yn mynd yn ôl uwchben Abertawe ar wahaniaeth goliau - er eu bod nhw wedi chwarae gêm yn fwy na'r Elyrch.
Yn y cyfamser, mae'r Adar Gleision saith pwynt yn brin o'r safleoedd ail gyfle wedi iddyn nhw golli am y tro cyntaf mewn 12 gêm o dan McCarthy.