Y Bencampwriaeth: Abertawe 0-1 QPR
- Cyhoeddwyd
Mae siawns Abertawe o sicrhau dyrchafiad otomatig fwy neu lai ar ben ar ôl ildio gôl hwyr i golli yn erbyn Queens Park Rangers nos Fawrth.
Sgoriodd Lyndon Dykes unig gôl y gêm yn y funud olaf i sicrhau'r triphwynt i QPR yn Stadiwm Liberty.
Wayne Routledge ddaeth yn agosaf at sgorio dros yr Elyrch pan darodd y postyn.
Roedd hynny wedi i Ilias Chair wneud hynny ddwywaith ar ran yr ymwelwyr.
Fe gurodd Watford Norwich i barhau'n ail yn y Bencampwriaeth, sy'n golygu bod y bwlch rhyngddyn nhw ac Abertawe bellach yn naw pwynt gyda thair gêm yn weddill.