Y Bencampwriaeth: Caerdydd 1-1 Rotherham
- Cyhoeddwyd
Daeth tymor Caerdydd i ben gyda gêm gyfartal yn erbyn Rotherham yn Stadiwm Dinas Caerdydd ddydd Sadwrn.
Cafodd yr ymwelwyr ddechrau da, wrth i Lewis Wing sgorio gydag ergyd wych o 25 llath wedi i beniad amddiffynnol Perry Ng ddisgyn i'w lwybr.
Bu'n rhaid disgwyl nes y munudau olaf i'r Adar Gleision ddod yn gyfartal, gyda Marlon Pack yn rhwydo heibio i'r golwr Jamal Blackman o ymyl y cwrt cosbi.
Mae'r canlyniad yn golygu bod Caerdydd yn gorffen y tymor yn yr wythfed safle yn y Bencampwriaeth - naw pwynt o safleoedd y gemau ail gyfle - tra bod Rotherham wedi disgyn i Adran Un.