Stevens yn serennu gan sgorio 190 i Gaint
- Cyhoeddwyd
Sgoriodd Darren Stevens 15 pedwar a 15 chwech ar ei ffordd i 190
Sgoriodd Darren Stevens 190 o rediadau i Gaint i droi'r gêm yn erbyn Morgannwg ar ei phen ddydd Gwener.
Roedd Caint ar 128-8 ar un adeg, ond ar ôl batiad gwych Stevens fe orffennodd y tîm cartref ar 307 yn eu batiad cyntaf.
Parhaodd ei berfformiad gwych gyda'r bêl, wrth iddo gymryd wiced Marnus Labuschagne am 11 rhediad.
Dyna oedd yr ail wiced i'r Cymry golli, gyda David Lloyd allan am ond 4 rhediad, wrth i Forgannwg orffen y dydd ar 55-2.