Heddlu'n canfod corff dyn ger gorsaf drenau Caerdydd

Mae corff dyn wedi'i ddarganfod yn agos at brif orsaf rheilffordd Caerdydd ddydd Iau.

Dywedodd Heddlu De Cymru bod y corff wedi'i ddarganfod ar Heol Penarth.

Mae ymchwiliad i'r farwolaeth yn parhau, a dywedodd yr heddlu eu bod yn trin y digwyddiad fel un "anesboniadwy".

Dywedodd yr heddlu bod swyddogion yn parhau ar y safle, ond nad ydyn nhw'n credu bod perygl i'r cyhoedd.