T20: Morgannwg yn colli yn erbyn Essex
- Cyhoeddwyd
Y capten Chris Cooke oedd prif sgoriwr Morgannwg... gyda 25!
Colli oedd hanes Morgannwg nos Iau yn yr ornest ddiweddaraf yn y bencampwriaeth T20 yn Chelmsford.
Morgannwg alwodd yn gywir a dewis batio.
Roedd dechrau'r batiad yn sigledig, ond roedd hi'n ymddangos bod Dan Douthwaite a Billy Root wedi sefydlogi pethau wrth i Forgannwg gyrraedd 91 am 4 wiced.
Ond yna fe gollodd Root ei wiced ac fe aeth y batiad ar chwal yn gyfan gwbl.
Collodd Morgannwg eu chwe wiced olaf am 13 rhediad yn unig, gan orffen gyda chyfanswm o 104 mewn 17 pelawd.
Roedd y tîm cartref ar frys i gyrraedd y nod, ac fe wnaethon nhw hynny mewn 12.2 pelawd a gyda 8 wiced mewn llaw.