Buddugoliaeth o bum wiced i Forgannwg dros Surrey
- Cyhoeddwyd
Hamish Rutherford oedd y prif sgoriwr i Forgannwg gyda 58
Mae Morgannwg wedi curo Surrey o bum wiced yn y Cwpan Undydd yng Nghaerdydd.
Dim ond 132 sgoriodd yr ymwelwyr mewn batiad siomedig, gyda Rikki Clarke yn brif sgoriwr ar 35.
Roedd 'na dair wiced i Andrew Salter, a dwy yr un i Lukas Carey a Joe Cooke wrth i Surrey gael eu bowlio allan mewn 44 pelawd.
Dim ond 26.5 pelawd oedd Morgannwg eu hangen i gyrraedd y targed o 133.
Sgoriodd Hamish Rutherford 58 a Steven Reingold 40 i sicrhau'r fuddugoliaeth i'r Cymry, a orffennodd y batiad ar 133-5.