Y Bencampwriaeth: Bristol City 0-1 Abertawe

Joel Piroe (dde) yn dathlu gôl agoriadol yr Elyrch

Fe lwyddodd Abertawe i ddal eu gafael a sicrhau eu triphwynt cyntaf o'r tymor yn y Bencampwriaeth ar ôl trechu Bristol City 1-0.

Dyma oedd buddugoliaeth gyntaf Russell Martin yn y gynghrair fel rheolwr Abertawe.

Roedd gôl yr Iseldirwr, Joel Piroe, ar ôl 20 munud yn ddigon i'r Elyrch nos Wener.

Fe lwyddodd Piroe i dorri i fewn o'r asgell dde ar ei droed chwith cyn taro ergyd yn erbyn y postyn.

Ond fe rwydodd ar yr ail gynnig wedi i'r bêl adlamu'n garedig yn ôl i'w lwybr.

• Cymru Premier: Canlyniadau'r ail benwythnos