Heddlu'n chwilio am fenyw ar ôl trosedd casineb honedig
- Cyhoeddwyd
Mae'r heddlu'n chwilio am y fenyw sydd i'w gweld yn y llun CCTV yma
Mae Heddlu De Cymru yn chwilio am fenyw ar ôl trosedd casineb honedig yng Nghaerdydd yn oriau mân fore Sul.
Dioddefodd menyw 32 oed ymosodiad y tu allan i glwb nos Pulse ar Ffordd Churchill am tua 03:30 ar 29 Awst.
Cafodd y fenyw y mae'r heddlu am siarad gyda hi ei disgrifio fel menyw gwyn, byr, tenau, o dan 40 mlwydd oed gyda gwallt coch a thatŵ ger ei llygad chwith.
Roedd hi'n gwisgo 'romper' gwyn gyda streipiau du a glas.
Mae'r heddlu yn gofyn i unrhyw un sydd â gwybodaeth am y digwyddiad i gysylltu gyda nhw ar unwaith.