Crasfa arall i Forgannwg yn erbyn Durham

Llwyddodd Durham i ennill o fatiad a 42 o rediadau ar ôl cymryd tair wiced olaf Morgannwg fore Mercher

Mae Morgannwg wedi cael cweir gan Durham ym Mhencampwriaeth y Siroedd wrth i'r tîm cartref selio buddugoliaeth oedd yn edrych yn anochel ers rhai dyddiau.

Ar ôl cyfyngu batiad cyntaf Morgannwg i 97 ddydd Sul, fe gyrhaeddodd Durham 503-8 ddydd Llun cyn cau eu batiad cyntaf nhw.

Llwyddodd Morgannwg i fatio trwy gydol y trydydd diwrnod ond mater o amser oedd hi cyn i'r tîm cartref sicrhau'r fuddugoliaeth.

Roedd Morgannwg wedi dechrau'r diwrnod olaf ar sgôr o 333-7 yn eu hail fatiad - 73 rhediad tu ôl i Durham - ac fe gyrhaeddon nhw gyfanswm o 364 cyn colli eu tair wiced olaf.

Roedd hynny'n golygu bod Durham yn ennill o fatiad a 42 o rediadau.