Pencampwriaeth Rygbi Unedig: Scarlets 13-43 Munster
- Cyhoeddwyd
Calvin Nash sgoriodd trydydd cais y Gwyddelod ar ddiwedd yr hanner cyntaf
Fe gafodd y Scarlets gweir brynhawn Sul wrth i Munster sgorio chwe chais yn erbyn y Cymry yn Llanelli.
Aeth yr ymwelwyr ar y blaen yn gynnar gyda chais gan Jack O'Sullivan, cyn i Liam Coombes ychwanegu ail gais wedi ychydig dros 20 munud.
Ond fe darodd y Cymry 'nôl, gyda chic glyfar gan y maswr Sam Costelow yn creu cais i Johnny McNicholl.
Cyn hanner amser daeth trydydd cais i'r Gwyddelod gan Calvin Nash er mwyn ei gwneud yn 13-22 ar yr egwyl.
Fe wnaeth y pwysau gan Munster barhau yn yr ail hanner, wrth i gais Jeremy Loughman sicrhau eu pwynt bonws cyn i Coombes ychwanegu ei ail gais.
Ychwanegodd Chris Cloete chweched cais i'r ymwelwyr er mwyn selio buddugoliaeth o 30 pwynt i'r ymwelwyr.