Adran Dau: Bristol Rovers 1-3 Casnewydd

Sgoriodd Dom Telford ddwywaith i roi buddugoliaeth i'r rheolwr James Rowberry yn ei gêm gyntaf yng ngofal Casnewydd.

Er iddyn nhw golli Matt Dolan yn gynnar i anaf, aeth yr Alltudion ar y blaen yn Bristol Rovers pan sgoriodd Courtney Baker-Richardson.

Rhwydodd Telford ei gyntaf cyn i Brett Pitman haneru mantais yr ymwelwyr cyn hanner amser.

Ond fe seliodd Telford y fuddugoliaeth gydag ergyd o bellter agos, seithfed gôl yr ymosodwr mewn naw gêm.