Rhybudd am dywydd gwlyb a gwyntog yn y de-ddwyrain

Mae yna rybudd melyn am dywydd gwlyb a garw ar draws ardaloedd o dde-ddwyrain Cymru nos Sadwrn.

Bydd y rhybudd mewn grym o 23:00 nos Sadwrn tan 15:00 ddydd Sul.

Yn ôl y swyddfa dywydd, gall 20-30mm o law gwympo o fewn dwy i dair awr mewn rhai ardaloedd, sy'n debygol o achosi llifogydd.

Mae gwyntoedd cryfion o 50-60mya yn bosib, yn enwedig mewn ardaloedd ar hyd yr arfordir.

Mae'r rhybudd yn berthnasol i'r siroedd canlynol yng Nghymru:

• Abertawe

• Blaenau Gwent

• Caerdydd

• Caerffili

• Caerfyrddin

• Casnewydd

• Castell-nedd Port Talbot

• Merthyr Tydfil

• Mynwy

• Pen-y-bont ar Ogwr

• Powys

• Rhondda Cynon Taf