Cwpan FA Lloegr: Morecambe 1-0 Casnewydd

Finn Azaz o Gasnewydd yn ceisio atal Alfie McCalmont o Morecambe

Colli wnaeth yr Alltudion oddi cartref yn erbyn Morecambe yn rownd gyntaf Cwpan FA Lloegr brynhawn Sadwrn.

Er bod Morecambe yn y gynghrair uwchben Casnewydd roedd chwarae'r ddau dîm yn eitha cyfartal.

Ond ar ôl 68 munud Morecambe oedd yn llwyddiannus gydag ergyd droed chwith Aaron Wildig, yr eilydd, a hynny gyda'i gyffyrddiad cyntaf ar y bêl.

Felly fydd Casnewydd ddim yn herio'r cewri yng nghwpan yr FA eleni.