Pencampwriaeth Rygbi Unedig: Gweilch 19-13 Ulster
- Cyhoeddwyd
Hon oedd pumed fuddugoliaeth mewn saith gêm gynghrair i'r tîm cartref
Roedd ymdrech amddiffynnol glodwiw a 14 pwynt gan Stephen Myler yn ddigon i roi buddugoliaeth i'r Gweilch dros Ulster ym Mhencampwriaeth Rygbi Unedig.
Ymatebodd y Gweilch i gais cosb gynnar Ulster gyda chais Morgan Morris a chic Myler.
Mae'r fuddugoliaeth yn codi tîm Toby Booth i bedwerydd yn y tabl, tra bod Ulster yn aros yn drydydd.
Profodd deuawd rheng ôl y Gweilch, Morris a Jac Morgan, yn rhagorol yn yr amddiffyn.
Cyfrannodd rhagoriaeth sgrymio, yn enwedig yn yr ail hanner, at bumed fuddugoliaeth mewn saith gêm gynghrair i'r tîm cartref.