Cwpan Pencampwyr Ewrop: Gweilch 13-21 Sale

Roedd yna siom i'r Gweilch yn eu gêm gyntaf o'r tymor yng Nghwpan Pencampwyr Ewrop

Roedd yna siom i'r Gweilch brynhawn Sul yn eu gêm gyntaf o'r tymor yng Nghwpan Pencampwyr Ewrop wrth iddyn nhw golli o wyth pwynt yn erbyn Sale.

Sale oedd ar y blaen hanner amser (21-3) wedi ceisiau gan Rohan Janse van Rensburg, Ewan Ashman a Jean-Luc du Preez.

Ond doedd y Gweilch ddim am ildio ac yn yr ail hanner fe gafwyd cais gan Luke Morgan wrth i Lood de Jager a Ben Curry gael cardiau melyn.

Er na lwyddon nhw i ennill pwyntiau yn yr ail hanner Sale oedd yn fuddugol - y sgôr terfynol yn Abertawe oedd 13-21.

Fe ddaeth y golled ar wythnos anodd i'r Gweilch - yn gynharach yn yr wythnos daeth y newyddion bod bachwr y Gweilch, Ifan Phillips wedi dioddef "anafiadau fydd yn newid ei fywyd" wedi gwrthdrawiad difrifol rhwng dau feic modur.