Pencampwriaeth Rygbi Unedig: Glasgow 38-19 Gweilch
- Cyhoeddwyd
Josh McKay yn sgorio cais i'r Warriors yn erbyn y Gweilch
Neidiodd Glasgow Warriors uwchben y Gweilch yn y Bencampwriaeth Rygbi Unedig gyda buddugoliaeth hyderus yn Scotstoun nos Sadwrn.
Ychwanegodd cais Sione Tuipulotu at sgôr gynnar Cole Forbes i roi tîm Danny Wilson ar y blaen 17-12 hanner amser.
Sgoriodd y cefnwr Josh McKay y drydedd, cyn ceisiau gan y canolwr Tuipulotu a Fraser Brown.
Tarodd Gareth Anscombe bedair cic gosb i'r ymwelwyr, cyn i Dan Evans groesi'r llinell a gwneud y sgôr yn fwy parchus.
Ond doedd y tîm o Gymru byth yn edrych fel gadael Glasgow gyda buddugoliaeth.