Y Bencampwriaeth: Abertawe 1-0 Preston North End
- Cyhoeddwyd
Ryan Manning sgoriodd unig gôl y gêm gydag ergyd wych
Llwyddodd Abertawe i drechu Preston North End brynhawn Sadwrn mewn gêm glos yn Stadiwm Swansea.com.
Hon oedd y gêm gyntaf yng Nghymru i groesawu miloedd o gefnogwyr ers i'r cyfyngiadau ar dorfeydd gael eu diddymu ddydd Gwener.
Wedi hanner cyntaf distaw aeth yr Elyrch ar y blaen ar ddechrau'r ail, gydag ergyd wych Ryan Manning yn canfod cefn y rhwyd ar gyfer unig gôl y gêm.
Er y fuddugoliaeth, mae Abertawe yn aros yn y 17eg safle yn y Bencampwriaeth.