Caerdydd: Ymosodiad rhyw difrifol ger yr amgueddfa
- Cyhoeddwyd
Mae'r heddlu'n ceisio dod o hyd i ddyn wedi ymosodiad rhyw difrifol ar ddyn arall yng Nghaerdydd yn ystod oriau mân ddydd Sadwrn.
Fe ymosodwyd ar y dyn wedi iddo gael ei orfodi i gerdded lawr llwybr yn arwain y tu ôl i Amgueddfa Genedlaethol Cymru rhwng 03:00 a 03:30 fore Sadwrn.
Dywedodd Heddlu De Cymru bod ffrwgwd wedi digwydd rhwng y ddau ddyn cyn yr ymosodiad.
Mae'r ymosodwr wedi ei ddisgrifio fel dyn yn ei ugeiniau o hil gymysg - mae e oddeutu 5 troedfedd 9 modfedd o ran taldra ac mae ganddo wallt du.