Cyhoeddi enw plymiwr fu farw yn Sir Benfro

Mae'r heddlu wedi cyhoeddi enw plymiwr fu farw mewn digwyddiad yn Sir Benfro dros y penwythnos.

Roedd Gerald Capelin yn 57 ac o ardal Caerdydd.

Cafodd y gwasanaethau brys eu galw i'r digwyddiad tua 11:45 ar 5 Chwefror, gyda'r RNLI, Gwylwyr y Glannau ac Ambiwlans Awyr Cymru'n rhan o'r ymateb.

Y gred yw bod y dyn yn rhan o grŵp oedd yn y môr.

Cafodd Mr Capelin ei gludo i'r lan yn ardal Sain Ffraid, ond nid oedd modd ei achub.

Mae ei deulu wedi diolch i'r gwasanaethau brys am eu hymateb i'r digwyddiad.