Y Bencampwriaeth: Sheffield United 4-0 Abertawe

George Baldock sgoriodd ail gôl Sheffield United

Roedd hi'n brynhawn ofnadwy i Abertawe ddydd Sadwrn wrth iddyn nhw gael cweir oddi cartref yn Sheffield United.

Aeth y tîm cartref ar y blaen wedi chwarter awr, gyda chyn-chwaraewr Abertawe Morgan Gibbs-White yn rhwydo heibio i'r golwr Andy Fisher.

Dyblwyd y fantais funudau'n unig yn ddiweddarach wrth i George Baldock sgorio gyda foli o groesiad y Cymro Rhys Norrington-Davies.

Aeth hi o ddrwg i waeth i'r Elyrch cyn hanner amser, gyda Billy Sharp yn rhwydo trydedd i'w gwneud yn 3-0 ar yr egwyl.

Ychwanegodd Gibbs-White bedwaredd i Sheffield United gydag ychydig dros 10 munud yn weddill er mwyn ychwanegu halen i'r briw i Abertawe.

Mae'r canlyniad yn gweld yr Elyrch yn disgyn un safle i 17eg yn y Bencampwriaeth.