Y Bencampwriaeth: Abertawe 1-5 Fulham

Aleksandar Mitrovic yn dathlu wedi iddo sgorio i Fulham

Colli wnaeth yr Elyrch adref nos Fawrth yn erbyn Fulham a oedd eisoes ar frig y tabl yn y Bencampwriaeth.

Fe ddechreuodd yr Elyrch yn dda ond ar ddiwedd yr hanner cyntaf cafodd Ryan Manning ei hel o'r cae am dacl flêr iawn yn erbyn Harry Wilson.

Ar ddechrau'r ail hanner fe sgoriodd Aleksandar Mitrovic i'r ymwelwyr - ei 35ain gôl y tymor hwn.

O fewn dim roedd hi'n ddwy gôl wedi i'r bêl ddod i'r cwrt cosbi a Ben Cabango yn methu gwneud dim ond troi'r bêl i'w rwyd ei hun.

Roedd yna drydedd gôl gan Bobby Decordova-Reid ac wedi i Joel Piroe benio i Abertawe, fe sgoriodd Neco Williams y bedwaredd gôl i Fulham.

Ond nid dyna ddiwedd y goliau fe ddaeth foli ryfeddol o droed Neco Williams o ymyl cwrt cosbi Abertawe bum munud cyn diwedd y gêm a doedd dim modd rhwystro'r bêl rhag taro cefn y rhwyd.

Mae lle Fulham ar ben y gynghrair yn gwbl ddiogel ond fe wnaeth y cerdyn coch eu gwaith yn llawer haws yn Abertawe nos Fawrth.