Pencampwriaeth Rygbi Unedig: Caerdydd 6-22 Gweilch

Prynhawn siomedig oedd hi i Rygbi Caerdydd ar Barc yr Arfau'n erbyn y Gweilch a chreadigrwydd yn brin brynhawn Sadwrn.

Dechrau araf oedd i'r gêm gyda'r sgorfwrdd yn brin o bwyntiau ar yr hanner - 3-0 i Gaerdydd oedd hi bryd hynny.

Ond fe daniodd y Gweilch yn y 40 munud olaf gyda thri chais. Dewi Lake, Rhys Webb a Sam Parry'n croesi'r llinell.

Dim un cais i Gaerdydd brynhawn Sadwrn ac felly eu pwyntiau'n dod o ddwy gic y maswr, Rhys Priestland.

Roedd hi'n fuddugoliaeth sicr i'r tîm o Abertawe wrth iddyn nhw baratoi i herio'r Scarlets wythnos nesaf.