Super Furry Animals mewn lluniau

Super Furry Animals, Awst 2025

Mae'r Super Furry Animals wedi cyhoeddi y byddant yn mynd ar daith ym mis Mai 2026.

Bydd y daith yn dechrau yn Nulyn ar 6 Mai, cyn ymweld â Glasgow, Llandudno, Caerdydd, Manceinion a Llundain.

Dyma fydd y tro cyntaf i'r band chwarae cyfres o gigs ers bron i ddegawd.

Ffurfiwyd y band yn 1993, gyda dau o aelodau'r band, Gruff Rhys a Dafydd yn rhan o Ffa Coffi Bawb (1986-92).

Dyma gasgliad o luniau o'r Furries dros y blynyddoedd.

Chwarae yn Phoenix yn 1996, gan berfformio caneuon o'u halbym cyntaf, Fuzzy Logic

Dros y blynyddoedd fe ddatblygodd y band gyfeillgarwch gyda'r awdur a chyn-smyglwr, Howard Marks. Yma, maent yn nhŷ Marks yn Mallorca yn 1996

Cafodd y band dipyn o sylw am ddod â tanc i Faes yr Eisteddfod Genedlaethol yn Llandeilo, Awst 1996

Yn dilyn llwyddiant Fuzzy Logic cafodd ail albwm y band, Radiator, ei ryddhau yn 1997

Perfformio ym mis Awst, 1998

Yn 2000 rhyddawyd Mwng, yr albwm Cymraeg gafodd ei ganmol tu hwnt i ffiniau Cymru, gan gynnwys y cylchgrawn NME

Yr albwm mwyaf llwyddiannus o ran y siartiau oedd Rings Around the World, a gyrhaeddodd safle rhif tri yn 2001.

Yn y llun mae'r band yn chwarae yn Whelan's Bar, Dulyn, ar 11 Tachwedd, 2001

Llun hyrwyddo'r albwm Phantom Power yng Nghaerdydd yn 2003

Gig yng Nghaerdydd, 27 Mehefin, 2003

Chwarae yn y Brixton Academy, Llundain, 22 Medi, 2005 - y flwyddyn yma cafodd yr albwm Love Kraft ei ryddhau

Ar lwyfan Glastonbury yn 2007

Chwarae cyn gêm Cymru yn erbyn Costa Rica, 29 Chwefror 2012, a oedd yn gêm gyfeillgar er cof am Gary Speed

Noson gofiadwy arall yn Glastonbury yn 2015

Perfformio ym Mhrifysgol Caerdydd, 2 Mai 2015

Gruff a Guto ar lwyfan yr Olympia Theatre yn Nulyn, 1 Rhagfyr, 2016

Yn ymddangos ar BBC Radio 6 Music yn Stiwdios Maida Vale, 3 Hydref, 2016

Yn ogystal a'i waith gyda'r Super Furries, mae Gruff Rhys wedi rhyddhau naw albwm unigol, gan gynnwys Candylion, American Interior, a'r albwm gafodd ei ryddhau tair wythnos yn ôl, Dim Probs