Morgannwg yn fuddugol yn erbyn Sir Caerlŷr
- Cyhoeddwyd
Morgannwg yn dathlu'r fuddugoliaeth yng Ngerddi Sophia
Mae Morgannwg wedi sicrhau eu hail fuddugoliaeth o'r tymor drwy drechu Sir Caerlŷr o chwe wiced.
Gyda'r ymwelwyr wedi gosod targed o 150 rhediad i ennill, cyrhaeddwyd y nod gan ddarfod ar 153 am bedair wiced, ar y pedwerydd diwrnod o chwarae.
Bu i 36 rhediad David Lloyd sefydlu'r dechrau perffaith er i gapten Caerlŷr, Callum Parkinson (3-38) wneud ei orau i arafu cynnydd y tîm cartref.
Ond roedd 40 rhediad Sam Northeast yn ddigon i groesi'r trothwy 25 munud i fewn i'r sesiwn olaf.
Bydd gêm nesaf Morgannwg oddi cartref yn erbyn Durham ddydd Iau, 12 Mai.