'Anafiadau difrifol' i ddynes wedi gwrthdrawiad ger Bangor
- Cyhoeddwyd
Mae dynes wedi cael ei hedfan i ysbyty yn Lerpwl gydag "anafiadau difrifol sy'n peryglu ei bywyd" yn dilyn gwrthdrawiad ger Bangor.
Cafodd y gwasanaethau brys eu galw i'r digwyddiad ar yr A4244 rhwng Glasinfryn a Phentir toc cyn 07:30 fore Mercher.
Dim ond un car - Peugot 207 du - oedd yn rhan o'r gwrthdrawiad, a dim ond y ddynes oedd yn teithio ynddo.
Mae'r ffordd yn parhau ar gau wrth i'r tîm fforensig ymchwilio, ac mae Heddlu Gogledd Cymru yn apelio am wybodaeth.