Storm o daranau ar ei ffordd i rannau o dde Cymru

Map y rhybudd tywyddMet Office

Mae yna rybudd y gallai tywydd garw achosi difrod i gartrefi a bod yna bosibilrwydd o lifogydd mewn rhannau o dde Cymru dros nos.

Mae'r Swyddfa Dywydd wedi cyhoeddi rhybudd melyn am stormydd o daranau sy'n dod i rym am 20:00 nos Sul ac yn para tan 05:00 fore Llun.

Dywed arbenigwyr bod yna bosibilrwydd o golli cyflenwadau trydan ac fe allai dŵr ar y ffyrdd amharu ar deithwyr.

Mae'r rhybudd yn berthnasol i 12 o siroedd Cymru:

  • Abertawe

  • Blaenau Gwent

  • Bro Morgannwg

  • Caerdydd

  • Caerffili

  • Casnewydd

  • Castell-nedd Port Talbot

  • Merthyr Tudful

  • Mynwy

  • Pen-y-bont ar Ogwr

  • Rhondda Cynon Taf

  • Torfaen

Pynciau cysylltiedig