Morgannwg yn trechu Essex o chwe wiced yn y T20
- Cyhoeddwyd
Mae Michael Hogan wedi cipio 12 o wicedi mewn pedair gêm yn y T20 ers dechrau'r tymor
Roedd yna fuddugoliaeth i gricedwyr Morgannwg nos Iau - o chwe wiced - yn erbyn Essex yng nghystadleuaeth ugain pelawd y T20.
Ar ôl galw'n gywir a gorfodi Essex i fatio gyntaf, 113 am naw wiced oedd y targed, diolch i fowlio campus Morgannwg.
Fe gipiodd Michael Neser a Michael Hogan dair wiced yr un - dyma oedd perfformiad gorau Neser yn y gystadleuaeth (3-13) ac mae Hogan bellach wedi cipio 12 o wicedi mewn pedair gêm.
Sam Northeast (44) oedd prif sgoriwr Morgannwg wrth iddyn nhw gyrraedd 114 gyda chwe wiced yn weddill.
Mae'n golygu bod Morgannwg wedi ennill ddwywaith a cholli ddwywaith yn y T20 ers dechrau'r tymor, ac mae'n nhw'n chwarae eto nos Wener - oddi cartref yn erbyn Gwlad yr Haf.