Llwyddiant i Forgannwg er gwaethaf ymdrechion Sussex
- Cyhoeddwyd
Roedd hi'n ddiweddglo cynhyrfus yng Ngherddi Soffia wrth i fowlwyr Sussex geisio rhwystro Morgannwg rhag cipio buddugoliaeth yn y Vitality Blast.
Roedd Sussex wedi gosod nod o 150 rhediad i fatwyr Morgannwg.
Fe ddechreuodd batiad y tîm cartref yn dda gyda Colin Ingram a Sam Northeast yn sicrhau partneriaeth o 86 am yr ail wiced.
Ond yna gyda Tymal Mills a Ravi Bopra yn bowlio i'r ymwelwyr erbyn y ddeunawfed belawd roedd buddugoliaeth Morgannwg yn ymddangos yn fregus iawn a hwythau 132 am 6.
Yn y belawd olaf ond un wedi taran o ergyd gan James Weighell yn sicrhau chwe rhediad fe gafodd Morgannwg fuddugoliaeth o bedair wiced.
Colin Ingram yn sicrhau llwyddiant i Forgannwg yn erbyn Sussex
Mae Morgannwg yn parhau yn chweched yn nhabl Grŵp y De gydag wyth pwynt ar ôl deg gêm.
Mae ganddynt obaith camu i'r rownd nesaf o hyd felly wrth iddynt wynebu Middlesex ddydd Mawrth nesaf.
Y sgôr terfynol - Morgannwg 151-6 Sussex 149-8 .