Morgannwg yn trechu Sir Gaerwrangon gydag ail fatiad gwych
- Cyhoeddwyd
Colin Ingram oedd y seren i Forgannwg yn yr ail fatiad, gyda 102 o rediadau
Llwyddodd Morgannwg i drechu Sir Gaerwrangon o dair wiced ym Mhencampwriaeth y Siroedd gyda pherfformiad gwych yn eu hail fatiad yn New Road.
Yn eu batiad cyntaf llwyddodd y tîm cartref i gyrraedd cyfanswm addawol o 271, gydag Ed Barnard yn serennu gyda 131 o rediadau.
Ymateb digon tila fu gan Forgannwg gyda chyfanswm o 139, wrth i Edward Byrom sgorio 57 o'r rhediadau hynny, a Joe Leach yn cymryd chwe wiced i Sir Gaerwrangon.
Fe lwyddodd yr ymwelwyr i gyfyngu Sir Gaerwrangon i 199 o rediadau yn eu hail fatiad, gyda Michael Neser yn cymryd pedair wiced.
Gosodwyd targed uchelgeisiol o 332 o rediadau am y fuddugoliaeth i Forgannwg felly, a diolch i berfformiadau gwych gan Colin Ingram (102) a Billy Root (99 heb fod allan), fe gyrhaeddon nhw'r targed hwnnw gyda thair wiced yn weddill.