Geraint Thomas yn codi i'r trydydd safle yn y Tour de France
- Cyhoeddwyd
Geraint Thomas ddaeth yn bumed ar y cymal cyntaf yn y mynyddoedd ddydd Gwener
Mae'r Cymro Geraint Thomas wedi codi i'r trydydd safle yn y Tour de France ar ôl gorffen yn bumed ar y seithfed cymal ddydd Gwener.
Ar y brig mae Tadej Pogačar wedi ymestyn ei fantais i 35 eiliad ar ôl ennill y cymal cyntaf yn y mynyddoedd - yr ail gymal yn olynol i'r gŵr o Slofenia.
Jonas Vingegaard, a ddaeth yn ail yn y cymal ddydd Gwener i La Super Planche des Belles Filles, sydd yn yr ail safle yn y dosbarthiad cyffredinol.
Mae Thomas funud a 10 eiliad tu ôl i Pogačar, gyda'i gyd-seiclwr yn nhîm Ineos Grenadiers, Adam Yates, wyth eiliad ymhellach ar ei hôl hi.
Bydd y Tour yn gorffen ym Mharis ar 24 Gorffennaf, gan olygu fod dros bythefnos eto i fynd.
Dosbarthiad cyffredinol wedi 7 o 21 cymal
Tadej Pogačar (UAE Team Emirates) - 23 awr, 43 munud a 14 eiliad
Jonas Vingegaard (Jumbo-Visma) - +35 eiliad
Geraint Thomas (Ineos Grenadiers) - +1 munud, 10 eiliad
Adam Yates (Ineos Grenadiers) - +1'18"
David Gaudu (Grouparma-FDJ) - +1'31"