Achub pump o'r môr ger Llansteffan mewn hofrennydd
- Cyhoeddwyd
Cafodd gwylwyr y glannau alwad gan berson yng Nglan y Fferi yn dweud fod grŵp o bobl mewn trafferth yn y môr ger castell Llansteffan
Cafodd pump o bobl eu hachub o'r môr yn Llansteffan, Sir Gaerfyrddin, ddydd Sul.
Cafodd gwylwyr y glannau yn Aberdaugeleddau eu galw tua 15:20 gan aelod o'r cyhoedd.
Fe gafodd bad achub annibynnol Glanyfferi ei anfon hefyd ond gan fod y môr yn arw, fe fethon nhw a chyrraedd y grŵp.
Cafodd hofrennydd o Sain Tathan ei anfon hefyd.
Doedd dim angen triniaeth ar y bobl ar ôl cael eu hachub.
Mae gwylwyr y glannau Aberdaugleddau wedi rhybuddio pobl i wirio amser y llanw cyn mynd at yr arfordir.